KINABUKASAN ay balik nang muli sa trabaho sila Gretchen at Charm. Pero tatapusin na lamang muna daw nila ang mga project nila ngayon bago kami magtungo sa US.
Nag-usap kami nang masinsinan ni Gretchen. Gusto na rin niya ng tahimik na buhay. At kung magugustuhan niya sa U.S, doon na lamang siya maninirahan at sa kanya ko na lamang ipapamahala ang negosyo doon ni Dad. Tutal naman, doon din nagtatrabaho si Patrick, magkakasama silang dalawa doon.
Sila na lamang ang magtulungan sa pagpapalago ng negosyo. Pero hindi ko pa binabanggit sa kanya ang tungkol kay Patrick, na nahuli ko silang dalawa kagabi sa rooftop na naglalampungan. Wala pa rin siyang sinasabi sa akin at kanina lamang umaga ay sinusungitan na naman niya si Patrick na para bang hindi siya umungol sa kandungan ng best friend ko.
