MAKA-ILANG BESES akong umikot sa harapan ni Charm habang hawak niya ang kamay ko. Muli ring humapit ang braso niya sa baywang ko at nagpatuloy kami sa pagsayaw dito sa gitna ng lahat. Nakahawak na akong muli ngayon sa dibdib niya.
Parehong hindi maalis ang ngiti sa aming mga labi. It felt like I was floating on air, and I was still in disbelief that he was now my legally wedded husband.
Masayang pinanonood kami ng lahat habang abala din sila sa mga pagkain at inumin. Gabi na at napakalamig na ng simoy ng hangin dito sa gilid ng dagat. Pero kalat ang liwanag dito sa buong isla dahil sa mga naglalakihang mga bulbilya. Nangingibabaw din sa buong paligid ang nakaka-in love na musika ng Westlife na Beautiful in White.
Pakiramdam ko ay si Charm ang kumakanta at ako ang kinakantahan niya ngay
