PANGALAWANG ARAW nang pananatili namin dito sa resort at naging kaibigan ko na si Kuya Patrick. Pero mahigpit niya akong binilinan na huwag na huwag ko raw siyang ikukwento sa pamilya ko.
Pakiramdam ko tuloy ay nagtatago siya sa lahat.
Sinunod ko rin naman siya dahil na rin wala akong close sa pamilya ko. Wala akong makausap sinuman sa kanila, kaya pakiramdam ko ay hindi ako belong sa pamilya.
Kahit madalas akong nawawala at palihim na umaakyat sa rooftop, at nagkukulong sa kwarto ni Kuya Patrick, parang hindi man lang nila ako hinahanap. Wala talaga silang pakialam sa akin.
Sa kanya na lamang ako tumatambay, nanonood ng TV, kumakain at natutulog. Madalas ay katabi ko pa siya sa kama. Napakabait naman niya sa akin at palagi niya akong napapatawa.
Ako na nga ang nagsusuklay ng mahaba n
