"SIGURADO ka bang ayos lang sa iyong magtrabaho gayong hindi pa natatapos itong isyu mo?"
Binalingan ni Kara si Violet. Tinanguan niya ang kaibigan bago sinagot ito. "Wala namang rason para matakot akong lumabas. Walang mangyayari kung patuloy lang akong matatakot kaya tama lang itong naging desisyon ko. I want to continue my life as an independent woman," aniya saka kumagat sa burger niyang hawak.
It's lunch time at imbes na kanin ang kainin, mas ginusto ni Kara na kumain ng burger dahil wala siyang ganang kumain ng kanin at ulam. Nasa menu rin ng TGH ang burger.
Naglakad palapit si Violet sa kaniya at umupo sa tabi niya. Binigyan nito ng ilang distansya ang isa't-isa. "Mabuti nga iyan, Kara. Pupuntahan sana kita para pilitin kang lumabas. At tama ka, walang mangyayari kung matatakot k
