KINABUKASAN...
"Tanghali na, bakit ngayon lang kayo nagising?"
Napatingin si Kara sa asawa nang tanungin sila ng mama niya. Hindi niya alam kung ano ang isasagot dito sapagkat hindi naman nila maaaring sabihin na nagsaya sila kagabi kaya tanghali na silang nagising. It's already ten in the morning. Kaya sino ba naman ang hindi mapapatanong?
Malapad na ngumiti ang asawa sa kaniya kapagkuwa'y niyakap siya nito patagilid. "Gumawa po kami ng apo niyo," diretsahang anas ni Gage na tila ba'y hindi nakakaramdam ng kahit gatiting na hiya sa mama niya.
Palihim na kinurot ni Kara ang pisngi ng pang-upo nito na nagpadaing naman dito nang mahina.
"Huwag po kayong makinig kay Gage, mama. Hindi ko alam kung bakit niya nasabi iyan. Tinanghali po kami ng gising kasi hangover si Gage. Actually, kani
