ILANG beses na pinag-iisipang mabuti ni Gabriela ang namumuong plano sa isipan niya, pero hanggang ngayon ay hindi pa siya nakakapagdesisyon. Natatakot din kasi siya sa naisip niyang planong gamitin ang katawan niya para makuha o mapalapit sa kanya si Jayden.
Bumangon siya sa pagkakahiga sa kama at binaba ang hawak na iPod. Nabo-boring na rin siya sa ilang oras na panood ng k-drama. Parang napapagod siya sa puro higa lang at wala man lang ginagawa. Pakiramdam niya magkakasakit na siya sa isang Lingong pamamahinga niya sa bakbakan.
Naglakad siya palabas sa veranda para magpahangin at magpa-araw kahit saglit. Natigilan siya nang makarinig siya ng rumaragasang tubig kung saan. Hindi iyon kalakasan kaya hindi mo masyadong maririnig kapag nasa loob ng bahay.
Lumabas siya sa kwarto at nagpunt
