“Kasama iyan sa sinumpaan natin noong ikasal tayo—na dapat buo ang tiwala natin sa isa’t isa. At nangako rin ako sa iyo na papakinggan ka sa lahat ng oras,” ani Khrystelle saka gumanti rin nang mahigpit na yakap sa asawa.
“Salamat. Napakasuwerte ko talaga na nagkaroon ako ng asawa na kagaya mo. Siguro kung iba ka lang, baka hindi na pinakinggan iyong paliwanag ko. Baka basta na lang ako iniwan na hindi man lang narinig ang side ko.”
“Iyon ang hindi mangyayari. Natuto na ako noong may nangyaring hindi maganda sa iyo. Galit ang umiral sa puso ko noon at talagang nagawa pa kitang sumpain, not knowing na muntik ka na palang mawala,” wika ni Khrystelle. Para sa kanya, kasama naman sa buhay mag-asawa ang mga problema. Nasa kanila na iyon kung paano nila dalhin. At para sa ikakatatag ng pagsasa
