"ANO ngayon ang plano mo, Boss. Kung hindi ako nagkakamali malapit nang manganak ang ampon mo," dinig niyang wika ng right hand man niya.
"Sa katunayan ay hindi ko alam, Henry. Mga kaaway tayo ng gobyerno kahit pa palihim. Ngunit hindi naman tayo carnival upang lamunin ang kapwa tao. Ibig sabihin ay kailanman ay hindi sumagi sa isipan ko ang ibilang ang amnesiac woman na iyon sa hit list natin," tugon ni Cedric Paul kasabay ng pagpakawala ng malalim na hininga.
"Alam ko, boss. Kaya kung gusto mo ay mayroon akong suggestion," anitong muli.
Kaya naman ay napatingin siya rito. Tinging talaga namang wari'y sinasabing huwag makupad. Dapat sabihin na kung ano ang ninanais. Kaso mukhang naging sutil na naman ito at napangiti pa imbes na sagutin siya agad-agad.
"Tsk! Tsk! Ano ba? May balak ka
