"ANO ba?! Bakit ba ang kupad-kupad mong kumilos? Aba'y kanina pa naiinip ang kasama mo ah!" sigaw ng dalagitang si Genewayne sa pinsang dinaig pa ang tulad niyang babae.
"Hanep ka naman, pinsan. Aba'y abot hanggang gate ang boses mo ah. Susme, hindi naman kami nagmamadali ni VL sa pagkakaalam ko," tugon ng binatilyong tinawag.
"Tsk! Tsk! Kahit na, pinsan! Aba'y maawa ka naman sa taong kanina pa naghihintay sa iyo. Kapag si Ate Wella ang magbawal sa kaniya ay wala kang kasama sa buladas mo!" muli ay singhal ni Genewayne.
Kaya naman ay sumabad na rin si Victor Lewis o ang male best friend na pinsan ni Jervin II.
"Hayaan mo na, pinsan Gene in the bottle. Mas mabuti na iyon upang matahimik kahit isang araw ang mga babaeng nagkakandarapa sa pinsan nating babaero." Nakangisi niyang baling sa
