“Mendez! Ako magdadala ng bola,” wika ni Suarez at lumapit siya kay Mendez na kasalukuyang hawak ang bola sa kamay nito. Alam niyang posibleng mangyari uli ang nangyari kanina at kailangang maiwasan nila iyon.
Pareho sila ng iniisip ni Ricky kaya nga ipinasa kaagad sa kanya ng binata ang bola.
Mabilis na dinipensahan ni Almazan si Suarez. Napaseryoso kaagad si Martin dahil napakadikit ng kanyang defender. Anumang pagkakamali ay parang maaagawan siya ng bola.
“Pinagbigyan lang kita kanina Suarez... Hindi na ngayon,” bulalas ni Almazan at mabilis nitong sinundot ang bola. Ang bilis noon at napatalsik papalayo ang bola mula sa kamay ni Suarez na ikinatakbo naman ni Morris para kuhanin iyon.
“Nice defense! Baba agad!” bulalas ng coach nila na napaka-aktibo sa side nila.
Nap
