Naging abala ang lahat sa mga sumunod na araw lalo na sa paghahanda ng kasal nina Valerie at Frank. Idagdag pang halos patapos na rin ang hotel na proyekto ni Frank sa bayan ng Antique, tutal ay kulang-kulang isang buwang na lamang ay matatapos na ang lahat.
"Oy, si ate, excited masyado," puna ni Valeen sa kanya.
"Hindi, ah," agad namang turan ni Valerie. "Teka nga, kanina ka pa nanunudyo diyan, bakit hindi mo na lang kaya tulungan si inay sa kusina upang makapagluto na kayo ng hapunan baka mamaya dumating na sina Frank," nakapamaywang na turan.
Medyo nahihilo kasi siya kaya sinabihan siya ng ina na magpahinga na muna sa silid at ito na lamang ang pagtatapos sa ginagawa nila.
"Sus, na-miss lang si Kuya Frank, eh," diga pa rin nito nang kunwari ay papaluin ito ay saka lamang tumalima
