Inipon lahat ni Valerie ang tapang ang lahat upang salubunging ang matiim na tingin ni Frank noong pabalik na siya sa kanilang mesa. Wala na roon ang babaeng kausap nito pero hindi pa rin niya maiwasang mainis sa mga naging kaganapan kanina. Buong akala ay magiging sweet at magandang dinner date iyon para sa kanila pero nagkamali siya.
"Good you're back, kadarating lang ng pagkain natin," anito na alanganin ang pagkakangiti sa kanya.
Ngumiti rin siya ng tipid saka umupo, iwas na iwas ang tingin niya sa mapanuring mga mata ng kanyang boss na noon ay batid na inoobserbahan siya.
"Let's eat," aniya upang pukawin ang pansin nito, tila naman nagising ito sa pagkakatingin sa kanya.
"L-Let's eat," ulit nito.
Nagsimula silang kumain, kapwa tahimik hanggang basagin nito ang katahimikang namama
