Alam ni Valerie na wala na siyang ligtas kay Frank at idagdag pa na tila ipinagkanulo siya ng tiyan kaya wala na siyang nagawa kundi ang humakbang papalapit kay Frank na noon ay maganang nakain.
Alumpihit siyang lumapit dito at maingat na umupo sa tabi nito. Wala rin naman siyang magagawa dahil kahit makipagmatigasan siya kay Frank ay hindi rin siya nito paalisin nang hindi nito nakukuha ang nais nito.
Nakaupo na si Valerie at nakatingin lang kay Frank na panay ang subo nito sa salad at sa sandwich nito. Napapalunok na lamang siya sa sarap ng subo nito dahilan upang masabik rin siyang tikman ang sandwich na nasa harapan.
Ilang sandali pa ring nakamaang lamang kay Frank hanggang sa hindi na napigilan ang sarili. Maingat na kinuha ang sandwich at kumagat doon, habang nginunguya iyon ay h
