Mabilis na dinaluhan ng ama ang ina sa nakakagulat na balita tungkol kay Antonette. Halos manginig ang ina at hindi makapaniwala sa nangyari. Hindi tuloy niya maiwasang sisihin pa ang sarili.
"Sana ay hindi ko na lamang siya iniwan mag-isa," dinig na wika nito.
"Shhh! Don't say that, mahal, baka kung naroroon ka ay maging ikaw ay nabaril," alo ng kanyang ama sa ina.
Na-focus ang lahat ng atensiyon nila sa telebisyon dahil sa isang breaking news na naka-flash roon. Ayon sa balita ay binaril si Antonette ng hindi nakikilalang salarin sa parking lot ng nasabing mall. Ayon sa pulisya, maaaring mistaken identity ang nangyari lalo pa at dalawang linggo pa lamang ang nakakaraan mula nang magbalik ang babae sa Pilipinas. Gayun pa man ay open pa rin ang pulisya sa anumang imbestigasyon sa pamama
