__45__
Lumilipad ang isip ni Zed habang lumilipad din ang sasakyan niya sa kalsada sa tulin ng takbo ng kanyang sasakyan. Bumubusina ang lahat ng nakakasalubong niya sa tuwing nag-o-overtake siya pero wala siyang pakialam. Hahanapin niya ang kapatid niya ngayong nasiguro na niya ang kaligtasan ng asawa niya sa bahay ni Diane.
Mukhang hindi naman gagawa ng kalokohan si Jared dahil nakita rin naman niya ang concern sa kilos at mata niyon kanina. Sinita pa nga niya dahil nang pumasok siya sa kabahayan nang walang paalam ay naabutan niyang nasa may pinto ng isang kwarto habang may kinakausap. May dala iyong tray ng pagkain at mukhang inaalok si Nissy na kumain.
Hindi naman yata lumabas ang asawa niya kaya napilitan ang lalaki na ilapag iyon sa mesa nang makita siyang nakapameywang sa may
