Agad niyang inayos ang mga gamit sa desk. Katatapos lang niyang makausap si Bella. Bibiyahe siya ngayon pauwi ng San Miguel. Ang tagal niyang hinintay mag-weekend, at sa wakas makakasama na niya ang asawa.
“Enzo.” Tinig ng papa niya. Nasa pintuan pa lang ito at papasok sa opisina niya.
Napabuntong-hininga siya. Alam niyang walang magandang sasabihin sa kanya ang ama.
“Sumabay ka na sa akin pauwi ng bahay. Doon tayo mag-dinner,” sabi ng ama nang makalapit sa mesa niya.
Isinuksok niya ang kahuli-hulihang gamit sa bag bago sinulyapan ang ama.
“Sorry ho, Papa, may plano na po ako tonight,” magalang niyang sagot.
Umismid ang ama sa kanya bago ito sumagot.
“Anong plano? Ang puntahan ang batang iyon sa San Miguel?” ismid na tanong ng ama.
Alam na nitong wala na si Bella sa San
