Makalipas ang isang linggo, nakahanda na ang lahat ng gamit at mga kailangan niya sa pag-uwi niya muli ng San Miguel. Naipaayos na rin ni Enzo ang pagbabalik niya sa San Miguel University para sa pag-aaral niya.
Tinanong niya si Enzo kung kaya pa ba nito ang lahat ng balakid sa pagsasama nila. Abot hanggang langit ang pagkasuklam sa kanya ng papa ni Enzo. Isama pa na hindi madaling kalaban si Sophie—talaga namang maimpluwensya.
Tanging sagot sa kanya ng asawa: mahal siya nito. Mahal na mahal, at handang gawin ang lahat para sa kanya. Ganoon rin naman siya sa asawa. Mahal niya ito at ayaw niyang mawala ito sa kanya. Sadyang hindi pa lang sumasang-ayon sa kanila ang mga tao sa paligid nila.
Mas okay na ang maghiwalay sila saglit ng asawa kaysa sa mag-divorce sila. Pinag-usapan nila ang
