Sarah
Mahabang katahimikan ang namayani sa amin sa loob ng opisina. Ang apat na pares ng mga mata ay pawang nakatitig lamang sa anak ko na pasimpleng nakikipag hagikhikan sa kanyang Dada Josh. Tila ba mariin nilang sinusuri ang bawat galaw ng bata at sinasaulo iyon. Nang mapagod ako sa panonood sa kanila habang tulala pa ring nakatitig sa anak ko ay malakas na akong tumikhim.
Mabilis naman naagaw ang atensyon ng mag-ama at halos sabay din napatingin sa akin. Ilang segundo lang ay muli na naman bumalik ang paningin ni Jonas sa anak ko kaya nakaramdam na ako ng hindi maganda. Naiinis ako dahil tila ba ayaw na niyang mawala pa sa paningin nito ang bata. May parte sa isip ko na naiinis dahil tila ba aliw na aliw siya sa anak ko.
"Josh, ilabas mo muna ang bata," biglang sabi ko habang ang
