Sarah
"Hmm..." nakangiting ungol ni Jonas. Natigilan ako sa pagpupunas ng katawan niya at tulalang napatitig sa maamo niyang mukha. Mistula siyang anghel na natutulog na kaysarap pag masdan. Kung sa ibang pagkakataon nangyari ito ay kanina pa nagdiriwang ang puso ko habang nakamasid lang sa kanya. Ngunit sa mga sandaling ito ay hindi magawang magsaya ng aking puso. Nalilito ako. Kinakabahan ako sa mga naiisip ko. Natatakot ako sa mga nakikita ko.
Paano...
Paano kung...
Hindi.
Hindi magagawa ni Jonas ang bagay na iyon sa akin. Mahal niya ako at may tiwala ako sa kanya. Marahil ay papapraning lang ako kaya kahit ano na lang ang mga pumapasok sa isipan ko.
"Hmm..." muli pang aniya ng aking asawa. Tila ba nagising ako mula sa malalim na pag-iisip at saka wala sa sarili na mul
