Nagsilabasan ang lahat ng mga Albyans sa loob ng palasyo nang magsimula na ang fireworks display.
"Ang ganda!" manghang-manghang naibulalas ni Estong na unang nakapunta sa veranda ng palasyon.
"Oo nga! Walang-wala ang mga fireworks sa mundo natin!" papuring saad din ni Danica. Nangninining-ning ang mga mata nitong hindi alam kung saan unang titingin sa nagpuputukan sa langit na tila ba mga bituin na nagbabagsakan din.
"Wow!" tanging reaksyon naman ni Nica pero makikita sa mukha nito ang pagkamangha din sa mga palamuti sa kalangitan. Nagngitian sila ni Lorben. Hawak kamay ang dalawa dahil sila na. Nang magmulat noon ng mata si Nica ay agad nag-aminan ang dalawa ng tunay na nararamdaman nila sa isa't isa.
"Kahit gaano pa 'yan kaganda. Mas maganda ka pa rin sa paningin ko Erika" humuhugot
