"Hahahaha!" umalingawngaw na tawa ni itim na prinsesang Sonji sa mundo ng mga tao. Hindi pa man ito nakakapasok ng husto sa lagusan ay dinig na ang nakakatakot nitong tawa.
Ang mga tao'y naalarma. Mga nahihintakutan na napatingin sa bigla na lamang pagdilim ng kalangitan.
"Ano 'yon?"
"Anong nangyayari?"
"Nakakatakot!"
At mga hiyaw ng mga tao na nagkukumahog na pumasok sa kani-kanilang tahanan. Pero meron din namang malalakas ang loob na kinukuhanan pa ng larawan at video ang bigla na lamang nagdilim na kalangitan.
"Ngiyaw!" kahit ang pusa na kinakukulungan ni Saprea (prinsesa) Akial ay nagtaasan halos ang balahibo nito na napatayo bigla mula sa mahimbing nitong pagkakatulog.
"Meng meng?! Bakit?!" dahil don ay nagising si Estong. Nagtataka itong sumilip sa pusang tumalon mula sa kama
