Mavis Nhea's P. O. V.
Nagising ako sa isang malamig na kwarto, nang imulat ko ang mga mata ko ay hindi naging pamilyar ang paligid ko kaya napabangon ako. Napagtanto kong nasa loob ako ng hospital. Hinila ko ang kumot at tinakip sa giniginaw kong katawan.
Biglang bumukas ang pinto mula sa isang maliit na banyo, lumabas si Manang na may hawak pang tissue.
"Mavis!" gulat niyang sambit nang makita ako at dali-daling lumapit sa akin para hawakan ang balikat ko.
"Manang..."
"Diyos ko... Anak, ayos ka lang ba?" tanong nito.
Tumango ako. Naalala ko naman ang pagkahulog ko, nawalan ako ng malay noon. Tinignan ko ang katawan ko kung anong natamo ko, nakakita ako ng malalaking pasa sa braso ko at gilid ng siko.
"Nagkapasa po pala ako," bulong ko.
"Hindi lang diyan, marami ka sa binti at tagi
