PAGKAGISING ko ay bigla akong napatakbo sa bathroom ng k'wartong tinuluyan namin ni Hubby. Napakapit ako nang mahigpit sa sink ng bathroom at doon ay sumuka ako nang sumuka pero wala naman akong nilalabas, tanging tubig lamang.
Napatingin ako sa salamin at nakita ko ang aking sarili. Wala akong nilalabas na kahit ano at tanging tubig lamang.
Nagmumumog ako ng aking bibig at naghilamos na rin. Napatingin ulit ako sa salamin, anong nangyayari sa akin?
Gustong sumuka ng tiyan ko pero tubig lang naman ang lumalabas talaga. Nanghihina ako kaya lumakad ako pabalik sa kama namin. Para akong lalagnatin dahil sa tamlay ng aking katawan ngayon.
Umupo ako sa kama at humiga ulit. Tumabi ako kay Hubby at yumakap sa kanya nang mahigpit. Nakatulog ulit ako dahil sa amoy ni Hubby, amoy na nakaka-rel
