"Good morning, Ma'am, Sir! Welcome to Amanpulo!"
Ngumiti si Ivy sa sinabi ng sumalubong sa kanila ni Eonren. Tipid na tango naman ang isinagot ni Eonren dito. Inayos pa nito ang shades bago siya hinawakan sa bewang.
“This way po, Ma’am,” anang isa pang nag-a-assist sa kanila.
“Thank you po,” si Ivy ulit ang sumagot. Siya na rin ang humila kay Eonren kasunod ng babae. Magkahawak pa rin ang kanilang mga kamay habang pasakay sila sa cart. Hindi napigilan ni Ivy ang mapangiti habang tanaw-tanaw niya ang paligid. Napapaka-relaxing tingnan ng mga ito. Sa tingin niya ay mas mapapanatag si Eonren dito.
Nilingon niya ang lalaki at nakita niya itong nakatitig lang din sa kawalan. Nakasandal lang ito sa kanyang balikat habang magkahawak ang kanilang mga kamay. Isang buntong-hininga ang pinaka
