PINAGLIWANAG nga ng apoy na dragon sa ere ang buong Domain City nang mga oras na iyon. Isang malakas na sigaw nga rin ang umalingawngaw mula sa mga taga-Axis na kaagad na sumabak sa pakikipaglaban para back-up-an ang kanilang mga naunang kasamahan.
Tinulungan nga rin kaagad ng mga ito na mag-heal ang mga nauubos na ang HP ng kanilang mga kasamahan at sila muna pansamantala ang humalili sa mga ito sa pakikipaglaban. Isang botelya nga rin ang ibinato ni Saki kay Laxus na ikinagulat ng player na may dilaw na buhok.
“Rare item iyan boss… Iisa lang iyan at gusto kong ikaw ang gumamit niyan. Galing iyan kay Boss Cruxade,” nakangisi pang winika ni Saki na mabilis na tumakbo patungo kina Wind at Herald na mukhang nasa alanganing sitwasyon.
Napangisi naman sa hindi kalayuan si Sora habang nakang
