ANG MGA kasamahan nga ni Grate ay napaseryoso nang makitang ang kanilang pinuno ay nakaupo na sa harapan ng kanilang kalaban sa hindi kalayuan. Isa pa, hindi na rin gumagana ang God’s Ability nito na ikinalunok nga nila ng laway. Isa pang iniisip nila ay ang baba na rin ng kanilang HP ngayon dahil sa malalakas pala ang mga nakatapat nila.
“T-talo na ba si Sir Grate? B-bakit ganoon ang sitwasyon niya?” tanong ng isa na hindi rin naman alam ng mga kasama nito ang isasagot. Akala nila ay sila ang mas malakas sa mga ito, pero bakit tila raw baliktad yata ang nangyayari ngayon.
“M-mukhang hindi natin sila kaya. Umatras na kaya tayo?” sabi naman ng isa na tinamaan pa ng wasiwas ng espada ni Grego na naging dahilan para mabawasan pa lalo ang HP nito.
“P-pero wala pang sinasabi si Sir Grate? Im
