NAKIKITA na nga ni Laxus ang kamay na malaking natatanaw niya kanina mula sa malayo. Dahil tinakbo na niya ito ay heto nga at parang napakalapit na niya sa bagay na iyon. Napahinto na nga lang siya nang may mga humarang sa kanya na mga AIs na halos kasing-laki lang din niya. Marahang umihip ang hangin at pakiramdam niya kanina pa ay tila palapit siya nang palapit sa isang panganib.
Isang malakas na hiyaw pa ang ginawa ng mga AIs na humarang sa kanya. Mga malalaki ang ulo ng mga ito at lahat ay makikitang tuluan ang laway mula sa makakapal nilang labi. Mabalahibo rin ang katawan ng mga ito at lahat ng mga ito ay nasa level 17. Mas mataas nga ang level ng kanyang espada kumpara sa mga ito at wala rin namang sandatang gamit ang mga ito. Dito nga ay umusok na ng itim ang kanyang Night Sword a
