NARATING na nga ng grupo nina Laxus at Cruxade ang dulo ng Dai Gum River. Sa tulong na nga rin ito ng matandang swordsmith na si Modosu na napagdesisyunang sumama sa kanila sa pagtungo sa Devils Dungeon dahil alam niya ang panganib na kakaharapin ng mga ito kapag nakaharap na nila ang AI na bantay sa daanan patungo roon.
Napahanda nga sila kaagad dahil sa pagyanig ng paligid nang pagmasdan nila ang malawak na katubigan sa ibaba ng lugar kung nasaan sila ngayon. Nakatayo nga sila sa itaas ng talon ng Dai Gum nang mga oras na iyon.
Unti-unting gumagalaw ang tubig mula roon pataas at doon na nga unti-unting kumawala ang isang dambuhalang AI na nagababantay sa bahaging iyon. Makikita ang kulay black green na malakaliskis na balat nito. Pahaba ang katawan nito na may kahintulad sa Crocodilius
