ALAS-NUWEBE na ng gabi ay nasa lansangan pa rin si Karen. Pagkatapos ng duty niya sa opistal nang Lunes na iyon ay natukso siyang gumala mag-isa. Hindi pa rin siya pinatahimik ng litratong naligaw sa messenger niya. Ginugulo na naman siya ng alaala ni Ian. Inaaliw niya ang sarili sa music bar. Kahit sintonado ay nakasampung kanta siya. At halos lahat na kinakanta niya ay tungkol sa sawing pag-ibig. Wala namang ibang nakakarinig sa kanya dahil mag-isa lang siya sa kuwarto habang may tinutunggang light beer.
Pagkagaling sa bar ay tumambay siya sa park. Umupo siya sa duyang yari sa malaking gulong ng sasakyan. Iniugoy niya ang sarili gamit ang mga paa na itinatadyak sa lupa. Habang ginagawa niya iyon ay bigla namang sumariwa sa isip niya ang panahong kasama niya si Ian. Madalas kasi silang m
