Kabanata 36.1
ITINAAS ni Odette ang noo habang kaharap si Avva. Avva dela Peña, kapatid ni Liza dela Peña na nagdala sa kanya sa isang mundo ng kapahamakan.
Napakaliit ng mundo na kahit nilisan na nila ng Lola Ely niya ang probinsiya ay nag-krus pa rin talaga ang mga landas nila dito sa Maynila.
Nakatingin ito sa kanya, with a friendly smile now. Guni-guni ba niya ang nakita niyang iritasyon sa mga mata nito kanina nang makita siya?
Napatigil kasi ito bigla at parang nagulat sa pagmumukha niya.
Sinuri siya ng babae mula ulo hanggang paa. Naka-uniform ito, naka-palda na maikli, may necktie. Wala siyang dapat ikahiya rito.
Sumulyap ito sa pinto na kanyang nilabasan. Hindi siya nito kilala na siya ang Odette na pinagsarhan ng ama nito ng pintuan, at ayaw na niyang balikan ang sandali na
