CHAPTER 27
Mabilis nakarecover si Rhie sa pagsubaybay ni Erickson. Kahit madalas na sinasabi nitong, mas magaan ang pakiramdam nito kapag nandoon si Rom.
Nasasaktan man ay tinatanggap pa rin ni Erickson. Hindi pa rin niya ipinahahalata kay Rhie na nasasaktan siya. Kung tutuusin, kulang pa iyun kumpara sa nagawa niya sa asawa.
Araw na iyun ang discharge ni Rhie. At sa bahay na lang tuluyang magpagaling. Nagpasya si Erickson na umuwi muna sila sa condo. Saka na lang sila babalik sa mansiyon kapag papasok na ito sa kumpanya. Mas gusto niyang alagaan muna si Rhie habang may pagkakataon pa.
Matapos maasikaso ang lahat ng kailangan ay binalikan na ni Erickson si Rhie. Naghihintay na ito at nakahanda nang umuwi.
"Ready?" Nakangiting tanong niya sa asawa.
"Oo! Pero bakit wala si Rom?" Sagot
