Medyo nagulat ako nang may makabunggo sa akin, hindi naman ganun kalakas kaya ayos lang, nawala lang ang tingin ko kay Teacher Kim. Noong tumingin ako ulit ay wala na siya. Nakapasok na ba siya? Anong ginagawa niya rito? Siya ba talaga iyon o baka naman namamalik-mata lang ako dahil masyado nang napapadalas ang pagiisip ko sa kanya?
Bumuntong hininga na lang ako at nagpasyang pumasok na sa toilet, nang matapos na ako ay nagpasya akong bumalik sa dating pwesto. Agad namang nawala sa isip ko si Teacher Kim nang makita ang dalawang bata na nasa dagat at masayang naliligo.
Bahagya rin akong nakahinga nang maluwag nang mapansing nasa pwesto sila kung saan hindi mainit dahil nasa ibaba sila ng silong ng isang malaking rock formation at hanggang tuhod lang nila ang tubig, hindi rin gaanong mala
