The Soldier & I
Ai_Tenshi
Part 24: Ang Mahalagang Misyon
Matapos ang bakasyon namin ni Turalba sa probinsya ay mas lalo pang naging matatag ang aming relasyon. Halos minu-minuto kaming mag kasama, mag katabi matulog at mag kasabay kumain. Marahil ay nag tataka na ang lahat sa hindi mapapantayang closeness namin ngunit batid ko naman na may alam sila hindi lang sila kumikibo. Tanggap man nila o hindi ay hindi na mahalaga iyon, basta wala kaming tinatapakang iba ay mananatiling maayos at malinis ang aming samahan.
Sa pag lipas ng mga araw, pinag sasaluhan pa rin namin ni Bryan ang perpektong relasyon na mayroon kami, hindi naman niya napapabayaan ang kanyang tungkulin bilang sundalo at hindi rin naman ako nag papabaya sa aking pag aaral. In fact, pareho nga kaming achiever dahil pinarang
