“Single but pregnant…with my child!”
Nakahiga na si Meghan ngunit paulit-ulit niyang narinig sa kanyang isip ang sinabi ni Nick. Gusto niya sanang isupalpal sa pagmumukha ng lalaki na isang tunay na Demakis ang nasa loob ng kanyang sinapupunan ngunit mas pinaboran nito si Margaret. Kung hindi lang siya nakapagpigil kanina, baka nagkagulo na silang tatlo! Isa pa, kilala niya si Nick at hindi ito basta na lang maniwala sa kanya na walang ebidensya.
Kinaumagahan, naabutan niya si Margaret na donyang-donya na nakaupo sa sala. Nakadekwatro ang mga paa at may mug ng umuusok na kape ang kanang kamay nito at ang kaliwa naman ay abala sa isang magazine. Mas lalo lang siyang nainis nang mapansin niya ang suot nitong damit. Kailangan ba talaga nitong magsuot ng gown kahit nasa bahay lang? Ang art
