Alas syete ng gabi ang dating ng eroplanong sinakyan ni Alexander kaya paglabas niya sa opisina ay tumuloy si Nick sa airport upang sunduin ang kanyang pinsan. Matagal-tagal na din simula noong nagbakasyon ang lalaki sa Tagbilaran at pakiramdam niya ay may pinagdaanan ang lalaki. Napansin niya kasi na medyo kakaiba ang tono ng pananalita nito nang mag-usap sila sa telepono.
Nang inanunsyo na ma-delay ang flight ni Alexander ng ilang minuto, naghanap si Nick ng coffee. Nangalahati pa siya sa ininom na americano ng dumating ang lalaking hinintay. “Akala ko ba ay ma-delay ng thirty minutes,” sabi ni Nick bago tinapik ang balikat ni Alexander.
“Ewan ko, pero at least nandito na ako. So, how's Meghan?" Kaagad na kinumusta ni Alexander ang kinakapatid na babae ni Nick.
"Mamaya na natin pag-us
