Bahagyang tumaas ang kilay ni Michael sa naging sagot ni Nick at nagtaka siya kung bakit hindi pwede. “Bakit hindi? Pareho naman kaming single at walang sabit,” sabi ni Michael.
Tama ang sinabi ni Michael na walang problema kung liligawan nito si Meghan kasi pareho naman silang single. Ang problema ay siya. Ayaw niyang mapunta sa ibang lalaki si Meghan at handa siyang gagawin ang lahat upang mapaibig itong muli! Nang tumingin siya sa gawi ni Meghan, namutla ito at napatiimbagang dahil sa pagtanggi niya. Sa totoo lang, kanina pa niya gustong sapakin ang pagmumukha ni Michael Ragusta ngunit nagtimpi lang siya alang-alang sa babae. “Kung gusto mong ligawan si Meghan, siya ang kausapin mo at wag ako.” Pagkuwa’y sabi ni Nick at pilit na ngumiti sa lalaki at tinanggap ang pakikipagkamay nito.
