MASAYA ang pakiramdam ni Daimon matapos niyang paasahin ang kanyang kapatid sa pangako niyang hindi niya naman tinupad. Sa lahat ng paghihirap ni Khara sa piling nito ay kulang pa ang ginawa niyang iyon upang iparanas dito ang malupit niyang pagganti.
Noong una, natatakot siya na baka malaman ni Khara ang totoo kapag nagpakita ulit si Lander sa kanila. Ngunit habang tumatagal ay mas lalo lamang niyang minamahal si Khara. Kung mangyari man ang bagay na iyon ay wala na siyang dapat na ikabahala. Hindi na niya iyon maiiwasan ngunit p’wede pa rin niyang itama.
Maiintindihan naman siguro siya ni Khara kung bakit siya naglihim dito. Hahayaan na lamang niya na ang tadhana ang gumawa ng paraan upang malaman ni Khara ang totoo. Sa ngayon, wala siyang ibang gagawin kun’di bantayan, alagaan at prot
