“HINDI ka pa rin ba tinatawagan ni Katarina, Lander? Aba’y hindi na siya umuwi noong pasko at bagong taon, hindi pa rin ba siya uuwi ngayon? Isang buwan na yata siyang naroon sa Makati at hindi man lang makaalal na uwian kayo ng anak mo,” sabi ni Aling Adora na nag-aalala kay Katarina. “Ano kaya kung puntahan mo na lang si Katarina sa Makati? Pahihiraman na lang muna kita ng pamasahe.”
Tumayo ito sa inuupuang silya at dinukot ang pitaka sa bulsa nito.
Kakatapos lamang nitong hilutin ang tiyan ng kanyang anak na si Jay R dahil tumigas iyon kakaiyak nito.
“Puntahan mo si Katarina para malaman mo kung ano ang ginaga---”
“Nandito na ako kaya wala nang dapat na umalis.”
Nabigla sila ni Aling Adora sa biglaang pagdating ni Katarina. Hindi man lang ito kumatok sa nakabukas na pintuan bago pu
