MADALING araw na nang makauwi si Lander galing sa kanyang trabaho. Nagkaroon kasi ng aberya sa kanilang trabaho kanina at naaksidente pa si Fernando. Kinailangan nilang isugod ito sa hospital dahil sa natamong second degree burn.
Kinailangang tapusin ng kasama niyang lineman ang iniwang trabaho nito para maibalik ang daloy ng kuryente sa lugar na iyon.
Pinagbantaan siya ni Katarina na maglalasing ito at naabutan nga niya ito na nakikipag-inuman sa labas ng kanilang bahay. Kasama nito ang kaibigan na si Abby at ang mga lalaking tambay sa may tindahan ni Aling Adora na hindi niya kilala.
Ikinuyom ni Lander ang kanyang kamao at lumapit kay Katarina. Lasing na lasing na ito at may hawak pang kalahating stick ng umuusok na sigarilyo.
Nakapatong ang palad ng isang lalaki sa may hita ni Katar
