ISANG buwan na ang nakakalipas mula nang manganak si Katarina. At simula noong nailabas siya sa hospital ni Lander ay hindi na ito napermnente sa bahay nila. Palagi itong umaalis para magtrabaho sa kabilang barangay upang mag-construction. May ipinapatayong malaking bahay doon kaya naman may trabaho ang ibang mga tambay sa kanila.
Kakarampot lang ang ibinigay sa kanyang pera ni Lander. Hindi na nga siya nakakalabas ng bahay dahil inaalagaan niya ang anak niya. Nabo-boring na si Katarina sa ganitong sitwasyon. Hindi niya mabili ang mga gusto niya. Naiinis na siyang isuot ang mga lumang damit niya. Mula noong manganak siya nag-iba na ang figure niya. Ilang beses na rin siyang umiyak habang nakaharap sa salamin.
Hindi niya gusto ang nangyayaring ito sa buhay niya. Hindi pa siya handa na mag
