Hindi pa rin mabitawan ni Khara ang hawak niyang passbook. Nakatingin siya sa malaking halaga na naka-withdraw noong nakaraang linggo. Iyon din ang araw na umalis si Lander at nagtungo sa Manila. Nagtataka si Khara kung saan dinala ni Lander ang twenty five thousand pesos na i-wi-nithdraw nito n'ong araw na iyon.
Napansin ni Mildred ang ginawa niyang pagtingin sa hawak niyang passbook. Kasama niya ito ngayon sa harapan ng isang bangko dahil nag-withdraw din ito ng savings nito.
"O, bakit? Para kang nakakita ng ahas na malaki diyan sa passbook mo?" usisa nito sa kanya.
Kaagad na itiniklop ni Khara ang hawak niyang passbook at saka ngumiti rito. "Wa-Wala naman... nagtaka lang ako kung bakit wala man lang akong nakitang pagtaas sa interest," pagsdadahilan na lamang niya rito.
"May nadagda
