LYNDON
Malapit ng mag-isang linggo pero hindi ko pa rin nakikita ang anino ni Liam maging ni Shairah dito sa bahay o kahit saan.
Ilang ulit kong sinubukan na puntahan ang bahay ni Shaira sa harap namin pero tulad ni Liam ay wala rin siya at hindi umuuwi sa bahay nito simula noong huling makita itong umalis ng gwardya namin.
Tinawagan ko si Shai pero naka-off ang cellphone nito. Sa loob ng ilang araw hanggang sa mga oras na ito ay hindi ko rin siya mahagilap kahit sa opisina na malimit ko siyang puntahan. Araw-araw kong ginawa 'yun ng paulit-ulit pero bigo ako.
Kahit sa opisina ay parehong hindi pumapasok ang dalawa. Isang linggo ang lumipas pero wala akong balitang natanggap mula sa kanila.
Kung hindi pa ako pumunta sa bahay na nabili ni Liam sa Forbes na inayos namin ni Khen para sa
