Arietta's POV
SABAY kaming naglakad papunta sa may seaside habang bitbit naman ni Kuya Reed 'yong binili namin kanina sa drive thru. Humanap kami ng puwesto kung saan wala masyadong tao at naglatag kami sa may bato. Tinulungan naman ako ni Reed na makaakyat.
"Ngayon ko na lang ulit nakita ang paglubog ng araw," pagsisimula ko. "Ang ganda pa rin talaga kapag nasaksihan mo."
"Naalala mo ba 'yong kuwento ni Mommy rito?" tanong niya sa akin habang nakatingin sa dagat. Hindi masyadong malakas ang hampas ng alon kaya hindi kami masyadong nababasa. Parang ang tahimik ng dagat ngayon.
"Nakalimutan ko na yata, Kuya. Kailan niya ba na-i-kuwento sa atin 'yon?" Napatawa siya ng mahina at tumingin sa akin.
"Busy ka kasi sa paglalaro no'n kaya hindi mo naalala." Napatango naman ako at kinuha ang ch
