NAPANGITI si Jean habang nagsusuklay sa harap ng salamin. Suot niya ang paborito niyang bestida na binili sa kanya ng kapatd na si Jake. Espesyal ang gabing iyon dahil may bisita siya – si Donnie. Pormal na niya ito na ipapakilala sa kanyang pamilya bilang kasintahan.
Hindi na sila mga bata para patagalin pa niya ang panliligaw ni Donnie. Nakita niya ang sinseridad nito at batid niya na mabuting itong tao kaya walang paligoy-ligoy na kaagad niya itong sinagot.
Kinausap niya si Jennica kagabi. Tinanong niya ito kung matatanggap ba nito si Donnie. Kung sakali na hindi ito papayag na papauskin si Donnie sa buhay nila ay willing siya magsakripisyo. Walang mas mahalaga sa kanya kundi ang kaligayahan nito.
Ngunit labis siyang nasiyahan sa naging sagot ng anak. Kung sana raw ay si Donnie na l
