Nagising ako sa 'di pamilyar na silid. Pero nang ilibot ko ang tingin nakahinga ako nang maluwag nang makita kong silid iyon ni Zack. Napansin ko na iba na ang suot ko, t-shirt na iyon ng lalaki kaya bahagyang nagsalubong ang kilay ko.
"Gising ka na pala, nagpadala ang Daddy mo ng damit mo!" pumasok si Zack roon at inilapag sa kama ang paper bag."Ba't ganyan ang tingin mo?" nangingiting tanong nito.
"Zack?" may pagbabanta sa tinig ko. Natawa ito at lumapit sa akin. Hinawakan ang magkabilang braso ko. May katangkaran ito kaya naman kailangan ko pang tumingala.
"Easy, si Shane ang nagbihis sa 'yo! 'Wag kang mag-isip ng masama. Naisip lang namin na hindi ka comfortable sa office clothes mo!"
"Okay!" sagot ko sabay pabirong inirapan ito at dinampot ang paper bag. Natatawang hinapit nit
