KABANATA 21:
MASAMA ang loob ko kay Vanessa. Akala ko talaga, nag-aaral siya nang mabuti at wala siyang ibang ginagawang kalokohan. Matataas naman ang mga ipinapakita niyang grado sa amin, pwedeng-pwede nga raw siyang makapagtapos bilang c*m Laude tapos ganito ang mangyayari? Paano na lang ang mga pangarap ko para sa kanya? Ang mga pangarap niyang sinabi niya sa amin na tutuparin niya kahit na anong mangyari.
Wala akong mapuntahang pwede kong paglabasan ng sama ng loob kaya sa banyo ako ng clinic nagpunta. Wala akong pakialam kahit na may kumatok man sa cubicle, basta ang gusto ko ay umiyak nang umiyak. Hindi ko matanggap. Akala ko talaga magbubunga ang lahat ng sakripisyo ko.
Hindi ko alam kung ilang minuto akong nag-iiiyak doon bago nag-ring ang cellphone ko. Nanlalabo pa ang mga mat
