KABANATA 52:
TULALA akong napatitig kay Rianne… Oo, kay Mrs. Rianne Ibarra. Ang sakit lang pakinggan ng pangalan niya, misis na, nakadugtong pa ang apelyido ni Gideon sa kanya. Si Rianne naman kasi, mukhang Maria Clara. Habang ako, para akong si Magdalena… sawing palad!
“Hi, Valerie! Nice to meet you, again. Ang laki ng ipinagbago mo…” aniya. Lumapit siya sa akin at saka bumeso. Doon pa lang niya sinabi ang kasunod ng sasabihin niya. “Pero halata pa ring mukha kang pokpok.”
Ikinuyom ko ang mga kamao ko pagkatapos niyang lumayo sa akin. Ang ngiti niya, kung kanina ay genuine pa, ngayon nakakairita na. Binabawi ko nang para siyang si Maria Clara! Wala siyang kahalintulad! Maisip ko pa lang na talagang dinroga niya pa si Sir Gideon kagabi para lang may mangyari sa kanilang dalawa, despera
