KABANATA 42:
BIGLA tuloy akong tinubuan ng konsensya nang umalis talaga si Sir Gideon. Saglit akong natulala roon hanggang sa tumigil ang isang taxi sa harap ko. Bumuntonghininga ako bago tuluyang pumasok at hinayaan na ang konsensyang nararamdaman ko.
Habang nasa byahe patungo sa bahay ni Sazha kung saan kami magkikita, panay na ang text at pangungulit nilang dalawa. Kung nasaan na raw ba ako o pupunta pa raw ba ako. Medyo na-late na kasi ako sa napag-usapang oras. Trenta minuto rin ang byahe at huminto ako sa isang malaking bahay.
Kaagad kong ini-dial ang number ni Sazha. Ilang saglit lang ay sumagot na siya pero imbes na kausapin ko siya sa cellphone, nakita ko siyang palabas sa malaking bahay na iyon. Mas lalo akong namangha. Totoo pala talagang mayaman ang napakasalan niya!
“Girl
