(Sia)
NAKABALIK ako. Pagkatapos ng libing ni tatay ay nakabalik ako sa Maynila para magpatuloy sa pagtatrabaho habang nag-aaral. Naisip ko kasing tama si señorito Niall, eh. Na kapag tumigil at sumuko ako siguradong hindi rin 'yon gugustuhin ni tatay na nasa langit na at isa pa, may nanay at mga kapatid pa akong naiwan at umaasa sila sa akin kaya hindi ako pwedeng sumuko nalang at magpadala sa labis na lungkot.
Natapos ang summer break at June na ulit. Heto ako ngayon sa field ng St. Porter, naglalakad at second year na...
Tay, nakakalungkot man na wala na kayo pero alam kong gusto ninyong magpatuloy pa rin ako para kay nanay at sa mga kapatid ko. Magpahinga na po kayo diyan, tay ha? Mahal na mahal ko po kayo at 'wag po kayong mag-alala, tutuparin ko po ang pangarap ko, ang pangarap nin
