"Maliwanag ba ang sinabi ko, Malzia?"
Madilim, gusto ko sanang isagot ngunit baka mainis siya sa akin.
"Yes, Uncle." Sabi ko habang tumatango. Kanina pa siya naghahabilin sa akin at tingin ko paulit-ulit na lang siya sa kanyang sinasabi. Naninigurado lang siya alam ko dahil halos isang linggo siya magiging abala sa mga out-of-town meeting at business convention na kanyang dadaluhan. Sa Pangasinan ang tungo niya ngayon at bukas yata ay akyat naman siya ng Baguio City. Tapos lilipad siya patungong Cebu para sa ilang araw na pananatili niya roon. And lastly sa Tagaytay City bago siya umuwi ng La Union.
Halos pitong araw na hindi kami magkikita kung susumahin. Hindi pa man siya nakakaalis ay lumalawak na ang ngisi sa aking labi. Ilang araw ko siyang hindi makakasama. Makakahinga ako ng malu
